कोथरूडमध्ये बदलाची चाहूल! प्रभाग ११ (ब) मधून आम आदमी पार्टीच्या पत्रकार जयश्री डिंबळे रिंगणात”

 

मुख्य संपादक प्रो श्री दत्ता सुखदेव हजारे 

अधिकृत पोर्टल दैनिक भारत विचार 

पुणे | कोथरूड –

प्रभाग क्रमांक ११ (ब) – कोथरूड येथे आता बदलाची लाट स्पष्टपणे जाणवू लागली आहे. प्रामाणिक, निर्भीड आणि लोकांमध्ये राहून काम करणाऱ्या आम आदमी पार्टीच्या महिला उमेदवार, पत्रकार सौ. जयश्री डिंबळे यांनी निवडणूक रिंगणात दमदार एन्ट्री घेतली आहे.

सामान्य नागरिकांचे प्रश्न, महिलांची सुरक्षितता, मूलभूत सुविधा आणि भ्रष्टाचारमुक्त कारभार यासाठी सातत्याने आवाज उठवणाऱ्या जयश्री डिंबळे यांना जनतेकडून उत्स्फूर्त प्रतिसाद मिळत आहे. “काम बोलणार, आश्वासन नाही” या ठाम भूमिकेसह त्या मतदारांच्या दारात पोहोचत आहेत.

शिक्षण, आरोग्य, रोजगारहमी, पाणी, रस्ते, स्वच्छता आणि वाहतूक या कोथरूड परिसरातील ज्वलंत प्रश्नांवर ठोस आणि वेळबद्ध उपाययोजना करणे, तसेच महिलांसाठी सुरक्षित व सक्षम प्रभाग उभारणे, हा त्यांचा मुख्य अजेंडा आहे.

आम आदमी पार्टीचे झाडू हे चिन्ह म्हणजे स्वच्छ, पारदर्शक आणि लोकाभिमुख कारभाराचे प्रतीक आहे.

“झाडूलाच मतदान म्हणजे योग्य विकासाला मतदान” असा स्पष्ट संदेश जयश्री डिंबळे देत आहेत.

प्रभागाच्या उज्ज्वल भविष्यासाठी मतदारांनी आपले मौल्यवान मत देऊन भरघोस मतांनी जयश्री डिंबळे यांना विजयी करण्याचे आवाहन करण्यात येत आहे.