पुण्यातील महाळुंगे-बालेवाडी येथील शिवछत्रपती क्रीडा संकुलात फिफा 'शाळांसाठी फुटबॉल' क्षमता निर्माण कार्यशाळेला आजपासून सुरुवात

 मुख्य संपादक प्रो श्री दत्ता सुखदेव हजारे

अधिकृत पोर्टल भारत शक्ती न्युज

पुणे, 5 ऑक्टोबर 2023: पुण्यातील महाळुंगे-बालेवाडी येथील शिवछत्रपती क्रीडा संकुलात फिफा 'शाळांसाठी फुटबॉल' क्षमता निर्माण कार्यशाळेला आजपासून सुरुवात झाली. दोन दिवस चालणाऱ्या या कार्यक्रमाचा उद्देश देशभरातील शाळांमधील फुटबॉल प्रशिक्षक आणि शिक्षकांचे कौशल्य आणि ज्ञान वाढवणे हा आहे. कार्यशाळेची सुरुवात मार्गात NCC द्वारे स्वागत करून झाली, त्यानंतर सर्व मान्यवरांनी पारंपारिक दीपप्रज्वलन करून कार्यक्रमाचे औपचारिक उद्घाटन केले.

 शाश्वतता आणि पर्यावरणीय जाणीवेचे प्रतीक असलेल्या या कार्यक्रमामध्ये मान्यवर पाहुण्यांना हिरवी रोपे देऊन स्वागत करण्यातआले. विशेष अतिथींमध्ये शिक्षण मंत्रालयाचे उपसचिव श्री.चरणजीत तनेजा, केव्हीएस मुंबई विभाग उपायुक्त श्रीमती सोना सेठ, बी. व्यंकटेश्वरन, उपायुक्त एनव्हीएस पुणे विभाग, श्री अल्बर्टो गॅकोमिनी, फिफा प्रशिक्षक आणि शिक्षक आणि श्री मेलविन मेंडी, शाळांसाठी फिफा फुटबॉलचे समन्वयक तसेच एआयएफएफ कार्यकारी समिती सदस्य मालोजीराजे छत्रपती, एआयएफएफ सदस्य सचिव मुलराजसिंह चुडासमा, शिवछत्रपती क्रीडा संकुल पुणे उपसंचालक सुहास पाटील आणि श्री. सुमित मेहरा, एसी मुंबई विभाग आदि  मान्यवर उपस्थित होते. केंद्रीय विद्यालय गणेशखिंडच्या विद्यार्थ्यांनी सादर केलेल्या भावपूर्ण स्वागत गीताने कार्यक्रमाची सुरुवात झाली. केव्ही गणेशखिंडचे यजमान प्राचार्य श्री.अविजित पांडा यांनी स्वागतपर भाषण केले, त्यानंतर केव्ही एनडीएच्या विद्यार्थ्यांनी मंत्रमुग्ध करणारे G-20 गीत सादर केले. श्री. मुलराजसिंह यांनी त्यांच्या फिफा सादरीकरणात सहभागींना माहिती व मार्गदर्शन केले. यानंतर उपायुक्त श्रीमती सोना सेठ यांचे भाषण झाले, त्यांनी शाळांमध्ये फुटबॉलचे महत्त्व आणि त्याचा विद्यार्थ्यांच्या शारीरिक व मानसिक विकासावर होणारा सकारात्मक परिणाम यावर प्रकाश टाकला. यानंतर श्री चरणजीत तनेजा जी यांनी आपल्या प्रोत्साहनपर शब्दांत मार्गदर्शन केले. श्री आनंद यांच्या आभारप्रदर्शनाने कार्यक्रमाची सांगता झाली.

दिवसाच्या दुसऱ्या सत्रात, FIFA प्रशिक्षक आणि शिक्षक श्री. अल्बर्टो जेकोमिनी आणि श्री. मेलविन मेंडी यांनी 100 सहभागींसाठी एक कार्यशाळा आयोजित केली होती.

 सहभागींना त्यांचे कोचिंग कौशल्य वाढवण्याची आणि विद्यार्थ्यांमध्ये फुटबॉलच्या प्रेमाला चालना देण्यासाठी मौल्यवान अंतर्दृष्टी प्राप्त करण्याची संधी मिळाली. FIFA 'शाळांसाठी फुटबॉल' क्षमता निर्माण कार्यशाळा प्रशिक्षक आणि शिक्षकांना आवश्यक ज्ञान आणि कौशल्याने फुटबॉलला प्रोत्साहन देण्यासाठी विद्यार्थ्यांची शारीरिक तंदुरुस्ती, सांघिक कार्य आणि नेतृत्व कौशल्ये विकसित करण्याचे वचन देते. आयोजक आणि सहभागींनी दाखविलेल्या बांधिलकी आणि समर्पणामुळे, कार्यशाळेचा शाळांमधील फुटबॉल शिक्षणाच्या भविष्यावर महत्त्वपूर्ण प्रभाव पडणार आहे.